
9.4K
Downloads
437
Episodes
မဟာစည်ဆရာတော်ဘုရားကြီး ဟောကြားတော်မူခဲ့သည့် တရားတော်များမှာ ၁၃၈၅-ခုနှစ် သီတင်းကျွတ်လအထိ စာရင်းများအရ ၄၅၀-ပုဒ် ခန့် ရှိပါသည်။ မဟာစည်ဆရာတော်ဘုရားကြီးနှင့် မင်းကွန်းဆရာတော်ဘုရားကြီးတို့ မေးမြန်းဖြေဆိုထားသည့် ဆဋ္ဌသံဂါယနာတင် ပါဠိတော်အမေးအဖြေများ ကိုထည့်သွင်းမည်ဆိုလျှင် တရားတော်စာရင်းမှာ ယခုထက် ပိုမိုပါလိမ့်မည်။ ခေတ်အဆက်ဆက် တိပ်ရီကော်ဒါ၊ ကက်ဆက်၊ CD-DVD ဖွင့်စက်၊ MP3 ဖွင့်စက် တို့ဖြင့် စဉ်ဆက်မပြတ် ဖြန့်ချိလာခဲ့သည့် မဟာစည်တရားတော်များကို ဗုဒ္ဓသာသနာနုဂ္ဂဟအဖွဲ့က ၁၃၈၅-ခုနှစ် သီတင်းကျွတ်လ မှ စ၍ အင်တာနက်ပေါ်မှ နာယူနိုင်သည့် Mahasi Dhamma Podcast - မဟာစည်တရားတော်များ-ပေါ့ဒ်ကပ်(စ်) အဖြစ် ကမ္ဘာအရပ်ရပ်မှ တရားလိုလားသူများနာယူတော်မူနိုင်ရန် ထုတ်လွင့်ပေးလျက်ရှိပါသည်။ မဟာစည်တရားတော်များ-ပေါ့ဒ်ကပ်(စ်) ကို Apple iTune, Google Podcast, Amazon Music နှင့် အခြားကျော်ကြားသည့် Podcast Directories များပေါ်တွင် ကြေငြာလွင့်တင်ထားရှိပါသည်။ မဟာစည်ပေါ့ဒ်ကပ်(စ်)ဓမ္မဒါနကုသိုလ်၊ အကြံပြုလိုသည်များနှင့် အသေးစိတ်သိလိုသည်များကို မဟာစည်ကျမ်းစာအုပ်အရောင်းဆိုင်၊ အမှတ် ၁၆၊ သာသနာ့ရိပ်သာလမ်း၊ ဗဟန်းမြို့နယ်၊ ရန်ကုန်မြို့။ဖုန်း- (+၉၅၉) ၉၅၂၁၉၈၈၀၂၊ အီးမေးလ်- mahasi.meditationcenter@gmail.com သို့ ဆက်သွယ်ဆောင်ရွက်နိုင်ပါသည်။ ----------------------------------------------- မဟာစည် တရားတော်များကို နာယူသည့်အခါ တရားတော်အချို့တွင် အနည်းငယ် အသံ မကြည်လင်ခြင်း၊ အသံ နှေးခြင်း၊ အသံ မြန်ခြင်းတို့ ပါရှိသည်ကို သတိပြုမိကြပါလိမ့်မည်။ အကြောင်းမှာ အသံဖမ်းယူစဉ်က အသုံးပြုခဲ့သည့် ၇” တိပ်ရီကော်ဒါစက်များ၏ နည်းပညာနှင့် တိပ်ခွေများကို ကော်ပီပွားရယူသည့်အခါ တိပ်ရီကော်ဒါစက် မော်တာမြန်နှုူန်းများ အနည်းငယ် ကွာခြားခြင်းကြောင့် ဖြစ်ပါသည်။ မဟာစည် မီဒီယာအဖွဲ့အနေဖြင့် ၁၃၈၅-ခုနှစ် သီတင်းကျွတ်လမှစ၍ တရားတော်များကို လွှင့်ထုတ်ရာတွင် (၁) တရားတော် အသံများကို မူရင်းအတိုင်း ထားရှိလိုခြင်း၊ (၂) ရှေးက ဖမ်းယူခဲ့သည့် အသံအတိုင်း တရားနာပရိသတ်တို့အား နာယူစေလိုခြင်းတို့ကြောင့် တရားတော် အသံများကို တည်းဖြတ်ခြင်း၊ ပေါင်းစပ်ခြင်း၊ ထုတ်ပယ်ခြင်း၊ အသံ အရည်အသွေး ပြုပြင်ခြင်းတို့ ပြုလုပ်မထားပါ။ သို့သော် နာယူရန် ခက်ခဲနေသည့် တရားတော်အနည်းငယ်ကိုမူ နာယူရန်အဆင့် အသံအရည်အသွေးရရှိရန် Digital Audio Editing Software အသုံးပြု၍ တည်းဖြတ်ပြင်ဆင်ထားကြောင်း အသိပေးအပ်ပါသည်။
Episodes
Wednesday Dec 13, 2023
မဟာစည်စံကျောင်း ရေစက်ချပွဲ အနုမောဒနာတရားတော် ၁၃၃၀-ခု၊ ပြာသိုလဆန်း ၃-ရက် (၁/၂)
Wednesday Dec 13, 2023
Wednesday Dec 13, 2023
ကျေးဇူးတော်ရှင် မဟာစည်ဆရာတော်ဘုရားကြီးသည် ကျောင်းအနုမောဒနာတရားတော်နှင့် ရေစက်ချတရားတော်ကို ၁၃၃၀-ခု၊ ပြာသိုလဆန်း ၃, ၄-ရက်နေ့များတွင် ဟောကြားတော်မူခဲ့ပါသည်။ မဟာစည်ဆရာတော်ဘုရားကြီးက “သဒ္ဓါတရားနဲ့ ပြည့်စုံတဲ့ ဒကာ, ဒကာမတွေက ပစ္စည်းလေးပါးဖြင့် လှူဒါန်းပြီးတော့ သာသနာတော်ကို ချီးမြှောက်ကြရတယ်၊ အဲဒီလို ချီးမြှောက်တဲ့အခါကာလမှာ ရဟန်းတော်တွေကလဲ တုံ့ပြန်ပြီးတော့ ဓမ္မာနုဂ္ဂဟဖြင့်ချီးမြှောက်ရတယ်၊ အနုမောဒနာတရားဆို ဟောရတယ်၊ အနုမောဒနာတရားဆိုတာ ဟောကို ဟောရမယ်လို့ မြတ်စွာဘုရားကိုက တိုက်တွန်းထားပါတယ်။ ယခုလို အင်မတန်ကြောင့်ကြစိုက်ပြီးတော့ အင်မတန် အဖိုးတန်တဲ့ ကျောင်းအလှူဒါနကို မပြောနဲ့တော့ သာမန်စားဘွယ်သောက်ဘွယ်ကလေး လှူတဲ့အခါလဲ အကျဉ်းချုပ် အတိုချုပ်တော့ ဟောရမယ်တဲ့။ ဒါကြောင့် ယခု အနုမောဒနာတရား ဟောဘို့ အချိန် ရောက်လာပါပြီ။” ဟူ၍ ကျောင်းအနုမောဒနာတရားတော်ဟောရခြင်းနှင့် လှူဒါန်းမှုကိုအကြောင်းပြု၍ မိန့်ကြားထားပါသည်။ ယခုထုတ်လွှင့်သည့် တရားတော်သည် ၁၃၃၀-ခု၊ ပြာသိုလဆန်း ၃-ရက်နေ့တွင် ဟောကြားတော်မူသည့် ကျောင်းအနုမောဒနာတရားတော်ဖြစ်ပါသည်။
- ၁၃၃၂-ခုနှစ်_ကျောင်းရေစက်ချအနုမောဒနာတရားတော်_ဆရာတော်အစုံ (နှာ-၂၁၀)
- မဟာစည်တရားတော်များ ခေတ်အဆက်ဆက်တည်တံ့နေပုံ
မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။
Comments (0)
To leave or reply to comments, please download free Podbean or
No Comments
To leave or reply to comments,
please download free Podbean App.